Со одигрувањето на денешните мечеви познати се полуфиналистките на женскиот Мастерс (завршен турнир) што се игра во Сингапур. Данската тенисерка Каролин Возниацки постигна победа од 2:0 во сетови (6:2; 6:3) против Петра Квитова и е единствената која во групната фаза заврши без пораз.
На другите два меча победи од 2:1 во сетови постигнаа Марија Шарапова против Агнешка Радванска и Ана Ивановиќ против Симона Халеп.
Но и двете победнички останаа без полуфинале бидејќи им беше потребен триумф од 2:0 во сетови.
Табела „бела група“: Каролине Возниацки 3-0 (победи-порази), Агнешка Радванска 1-2, Марија Шарапова 1-2, Петра Квитова 1-2.
Табела „црвена група“: Симона Халеп 2-1, Серена Вилијамс 2-1, Ана Ивановиќ 2-1, Ежени Бушар 0-3.
Според тоа утре во полуфиналето ќе играат: Возниацки – Вилијамс и Халеп- Радванска.