Во Илинден одбележан Денот на македонската револуционерна борба

Од:

Во рамките на одбележувањето на Денот на македонската револуционерна борба, делегација на општина Илинден предводена од градоначалникот Жика Стојановски положи цвеќе пред бистата на војводата Васил Стојанов-Аџаларски, во населено место Миладиновци. На одбележувањето беа присутни роднини и познајници на семејството Аџаларски, голем број на граѓани, советници од Советот на Општина Илинден, претставници на јавните претпријатија, училиштата и на здруженија на граѓани.

Аџаларски е роден во село Аџалари, денешно Миладиновци во 1880 година на територијата на денешната Општина Илинден, а загинува 1909 година. Тој пред и по Илинденското востание предводел поголема комитска дружина, а во неговата чета имало повеќе комити од околните места на денешната Општина.

Со положувањето на свежо цвеќе, спомнувањето на големите настани од поблиското историско минато и оддавањето почит на македонските револуционери, Општина Илинден традиционално секоја година се вклучува во одбележувањето на Денот на Македонската револуционерна борба.

Би можело да ве интересира

Георгиевски: Во Илинден ќе се отвори полициска станица за безбедна и мирна животна средина за сите граѓани

Државна делегација предводена од потпретседателката на Собранието, Весна Бендевска во манастирот Прохор Пчински

Сиљановска-Давкова од Мечкин Камен: Македонската држава не е стебло без корен, таа е вкоренета во демократските и хумани визии на Гоце Делчев и неговите соборци

Одбележување на 2 Август, Илинден – Денот на Републиката

Предраг Петровиќ

Мицкоски: Илинден нека обединува и потсетува каква држава треба да оставиме на генерациите по нас

Одбележување на Илинден во Крушево, Пелинце и Скопје

Предраг Петровиќ