Украина е подготвена да воведе визи на Русите, доколку тоа биде потребно, изјави денеска украинскиот премиер Арсениј Јацењук.
– Ако биде потребно да се воведат дополнителни мерки за контрола, вклучувајќи го и визниот режим, тоа ќе биде направено, рече Јацењук во интервју за украинскиот ТВ Канал 24.
Јацењук рече дека Украина во моментот е задоволна од квалитетот на контрола на официјалните контролни пунктови на руско-украинската граница и оти сега е приоритет на Киев во дело да се спроведе „проектот на ѕид“, кој подразбира изградба на „вистиска државна граница“ меѓу Русија и Украина.