Делегација на СДСМ во состав, Фросина Ременски, потпретседателка на СДСМ, Сања Лукаревска, членка на Извршен одбор и претседателотот на СДММ, Стефан Богоев, денес оддаде почит и положи свежо цвеќе на Партизанските гробишта во Бутел, на гробот на генерал Михаило Апостолски, на гробот на поранешниот Претседател, Борис Трајковски како и на гробот на првиот Претседател на Р.Македонија, Киро Глигоров.
Потоа делегацијата на СДСМ во истиот состав во рамките на државното одбележување на празникот, положи свежо цвеќе и оддаде почит пред споменикот на Методија Андонов Ченто, како и пред споменикот на паднатите херои за Македонија.
