Во Косово е уапсен македонскиот кардиолог, Борче Петровски, објавува косовскиот весник Експрес, повикувајќи се на свои извори.
Со него се уапсени уште осум познати лекари, а групата потпишувала договори за соработка за обезбедување здравствени услуги кои не се нудат во јавните здравствени установи во Косово, туку во тамошните приватни болници.
Петровски во Косово беше приведуван и во 2007, но ослободен поради немање на докази.
Инаку Петровски е поранешен директор на Клинички Центар и поранешен директор на Клиника за кардиологија во Скопје.
