Џихадистите од групата Исламска држава (ИД) контролираат над една третина од сирискиот град Кобане, три недели по почетокот на борбата против нив од страна на курдските сили, помогнати од воздушните напади на САД, соопшти Сирискиот центар за мониторинг на човековите права, со седиште во Лондон.
– Сите источни реони и делови од североисточните и југоисточните квартови на градот се под контрола на ИД, истакна шефот на невладината организација, Рами Абдул Рахман.