НАТО не планира да укаже воена помош на Украина, изјави денеска украинскиот министер за надворешни работи Павло Климкин по средба во Брисел со новиот генерален секретар на Алијанста Јенс Столтенберг.
– Засега Алијансата не планира да ни достави непосредна воена помош. Говориме само за воено-техничка помош, како од страна на НАТО, така и од одделни членки, додаде тој.
Климкин рече дека со Столтенберг ја разгледал ситуацијата во Доњецката и Луганската област и генералниот секретар ја потврдил намерата на Алијансата да укаже „политичка поддршка за стабилизирањето на ситуацијата во Доњецк и Луганск и во целиот политички процес“.
Истакната била неопходноста во двете области да бидат одржани вистински избори во согласност со украинското законодавство, за да има легитимни претставници на Донбас.