Украина треба да и плати на Русија за гасот кој што е испорачан, како што тоа го прават сите останати држави и не треба да упатува молби до Москва за намалување на тој износ, изјави поранешната украинска премиерка, Јулија Тимошенко.
-Имаме добра навика, постојано да молиме за нешто. Станете, со крената глава и платете, како што прават сите држави -порача Тимошенко.
Договорот за снабдување со руски природен гас, Украина го потпиша во 2009 година, а за него таа наведе дека е „стандарден договор“ кој го имаат сите европски држави.
-Ние сме европска држава и не е во ред да питачиме што било од Русија. Тоа е правиот и достоинствен начин за вистинска независност-изјави Тимошенко.
Е. Г.