Шефот на руската дипломатија Сергеј Лавров изјави денеска дека Русија повикува на примена на резултатите од референдумот во Луганск и Доњецк, каде проруското население прогласи република, јави ИТАР-ТАСС.
Лавров предлага тоа да се оствари преку дијалог со украинските претставници во Киев.
– Дијалогот почна, се одржува во Минск, ние активно го поддржуваме, сакаме и да го прошириме, на иницијатива на претседателот Владимир Путин, рече шефот на руската дипломатија.
Тој нагласи дека Русија ја почитува волјата на жителите на источно-украинскиот регион на Доњецк и Луганск.