Северна Кореја денеска упати остри критики на сметка на претседателката на Јужна Кореја Парк Гуен-хуе, обвинувајќи ја дека таа е виновна за застојот во посакуваниот развој на односите меѓу двете држави на поделениот полуостров.
Претседателката Парк се обвинува за сериозно и намерно кршење на спогодбата за нормализација на односите меѓу Северна и ЈужнаКореја, а тоа, според властите од Пјонгјанг, ги доведува односите меѓу двете држави на раб на катастрофа.
Според ова соопштение, претседателката Парк сакала да ги обедини народите на двете Кореји низ апсорпција на жителите од Северна Кореја.
Повод за овинувањата на претседателката на Јужна Кореја е нејзиниот говор во Обединетите Нации, во кои Парк побара и поголем ангажман на меѓународната заедница за контрола и ограничување на развој на нуклеарната воена технологија во Северна Кореја. Во коментарите по овој повод, од државата контролираните медиуми во Пјонгјанг остро го критикуваа Сеул поради тековните воени маневри со морнарицата на САД.