Најдобриот светски тенисер Новак Ѓоковиќ без поголеми проблеми обезбеди пласман во четвртфиналето на турнирот во Пекинг. Тој во мечот од второто коло го победи Вашек Поспишил со 6:3 и 7:5 во гемови.
На огранизаторите во Пекинг проблем им прави дождот поради што програмата е редуцирана и од машките мечеви закажан е уште дуелот меѓу Џон Изнер и Томи Робредо.
Во женска конкуренција завршија два меча. Саманта Стосур ја совлада Каролине Вознијачки со 2:0 во сетови, откако во вториот сет спаси пет сет топки.
Пласман во следното коло избори и Петра Квитова со победата над Шуи Пенг, а ќе се играат мечевите меѓу Лорен Дејвис против Ализ Корне и Марија Шарапова против Суарез Наваро.