Во турнирот во одбојка на песок за девојчиња, ООУ „Петар Поп Арсов“ спортски се избори за победата во финалето. Денеска, во спортско рекреативниот центар „Никола Карев“ се одиграа полуфиналниот и финалниот натпревар на првиот турнир во одбојка на песок за девојчиња за 2014 година, во организација на Одделението за спорт и култура при општина Карпош.
На песочниот терен, за пехарот се натпреваруваа екипи од седум училишта на територија на Општината. Во натпреварот за трето место, победа издвои ООУ „Владо Тасевски“ со резултат од 2-0 против ООУ „Димо Хаџи Димов“.
Во финалниот натпревар, првото место го освои ООУ„Петар Поп Арсов“ со идентичен резултат од 2-0 против екипата на „Лазо Трповски“.