Претседателот на Социјалдемократскиот сојуз на Македонија, Зоран Заев денеска упати честитка до припадниците на Бошњачката заедница во Република Македонија по повод Меѓународниот ден на Бошњаците.
– Упатувам искрени желби за добро здравје, мир и благосостојба. Заедницата на Бошњаците е интегрирана во општествено – културниот живот на Република Македонија, втемелена е во државата, како заедница што активно и успешно придонесува за зацврстувње на меѓучовечките односи и подобрување на меѓуетничкиот соживот, стои во честитката.
Како што порача, треба да се стремиме кон постојан напредок, мотивирани да градиме средина во која основни столбови ќе бидат толеранцијата и солидарноста.