Колекцијата од млади и талентирани ученици на општина Карпош, денеска се збогати со уште двајца успешни “членови”.
Мартина Димовска и Симона Митовска се двете балетски уметници, од балетското студио „Арт Балет“, кои го понесоа првото место и титулата „Светски танцов шампион“. На Светскиот натпреварувачки танцов шампионат, кој се одржа на 30 јули 2014 година во Остија, Италија, помеѓу многубројните учесници, се најдоа и двете балерини-учеснички од Македонија.
Дел од финансиската поддршка која општина Карпош им ја додели целосно ја оправдаа, со тоа што ја понесоа најголемата победа на светско ниво од балетски аспект во Македонија. Мартина Димовска, со своите 13 години, го освои златниот медал во класичен балет во категоријата јуниори, а пак, Симона Митовска (18) го освои првото место, исто така, во класичен балет и во категоријата сениори. На нејзино големо изненадување, таа доби едногодишна стипендија за дошколување во градот Рим, Италија.
Помошник раководителот на секторот за дејности од јавен интерес, Гордана Зафировска, ја истакна својата возбуда за светската победа на двете млади талентирани жителки на Карпош.
-Од името на општина Карпош а посебно од градоначалникот Стевчо Јакимовски кој секогаш е расположен за поддршка на младите талентирани уметници, ги поздравувам победничките и целиот тим кој патуваше. Општина Карпош прави исклучителни напори во областа на спортот, културата и уметноста. Само преку активности, преку труд и со многу работа се постигнуваат резултати. Неможе да се биде успешен во нешто ако маскимално не се вложува. Тамара е исклучителен кореограф и пред се другар, и сигурна сум, може да се види од приложеното, дека дава се од себе за да се постигнат врвни резултати. Со овој ваш голем успех, на некој начин ја задолжувате нашата општина, уште повеќе да вложува и да се ангажира. Да даваме една несебична поддршка за ваша се поголема успешност – заврши Зафировска.
Директорката на балетското студио, Тамара Ѓурчиновска, со гордост говореше за успесите постигнати во текот на осумгодишното постоење на студиото. Пред се, таа беше исто толку возбудена како и Мартина и Симона, за успехот кој тие две со љубов и желба го постигнаа. За прв пат во историјата на македонскиот балет и културата, остваривме два светски шампионски места во Италија на светскиот натпревар, рече Ѓурчиновска и додаде дека тука не застанува со работа балетското студио, туку напротив, наградите се само поттик за што повеќе да се работи и да се вложува во талентирани и успешни млади девојки и момчиња во областа на балетот – заврши директорката и главниот корегораф на балтеското студио „Арт Балет“.
Општина Карпош и натаму ќе продолжи да ги следи активностите од ваков тип и да ги поддржува талентираните и успешни млади ученици на територија на Општината.