„ВМРО-ДПМНЕ знае да владее само со закани и ултиматуми. Тоа веќе не поминува. Ставот на СДСМ и коалициските партнери е кристално јасен.
Оставките на пратениците од опозицијата се депонирани пред 4 месеци во Собранието, откако Трајко Вељаноски и власта насилно ги верификуваа нивните мандатите.
Оставките се кај него и нека престане да се заканува и поставува ултиматуми. Ние пратениците од опозицијата му укажуваме на Вељаноски дека не мора да чека до 8-ми октомври, може кога сака да ги верификува нашите оставки.
Пратениците од опозицијата не ги прифатија пратеничките мандати и не учествуваат во работата на Собранието се додека не се создадат услови за враќање на демократијата и одржување на фер и демократски избори.
Ова се одлуки донесени од највисоките тела на опозициските партии“, изјави Рената Дескоска, СДСМ.