Српската тенисерка Ана Ивановиќ е победничка на ВТА турнирот во главниот јапонски град Токио. Таа утринава во финалето ја победи Каролине Вознијацки од Данска со 2-0.
Во меч што траеше еден час и 40 минути Србинката лесно го доби првиот сет препуштајќи и на противничката само два гема (6:2). Многу понеизвесно беше во вториот сет кој беше решен преку тај-брјек (7:2) за конечен триумф.
За Ивановиќ победата на турнирот игран за награден фонд од еден милион долари е вкупно 52. годинава со што е соборен нејзиниот личен рекорд од 2007 година кога забележала 51 добиен меч.
Воедно, за Србинката трофејот од Токио е четвртата титула сезонава и 15. во кариерата.