Македонските дејвис куп репрезентативци Димитар Грабул и Томислав Јотовски не успеаја да триумфираат во двојки на фјучрсот во Ниш. Тие попладнево загубија од браќата Иван и Матеј Шабанов од Хрватска.
Ривалите на Грабул и Јотовски беа рангирани како втори носители и ја оправдаа улогата фаворити добивајќи го мечот со 6:4 и 6:2 во гемови. На исходот на финалето влијаеше и тоа што претходно Јотовски одигра маратонски меч (повеќе од три часа) во три сета во четвртфиналето во сингл со Ласло Ѓере, што го загуби со 2:1 во сетови.
Македонските тенисери и следната недела ќе настапуваат на фјучрс турнир во Србија во Сокобања.