Судот за воени злосторства во Србија денеска осуди 11 етнички Албанци на вкупно 116 години затвор за жестоки реакции за време и по конфликтот во Косово, соопштија германските медиуми.
Тие беа прогласени за виновни за мачење и убиство на најмалку 47 Срби и други неалбанци во Косово, од кои 32 се прогласени за исчезнати меѓу јуни и декември 1999 година.
Според судската одлука, групата исто така нелегално привела најмалку 153 лица, кои преживеале.
Казните се во распон од пет до 15 години затвор, а двајца од нив, кои се уште се на слобода, се осудени во отсуство.
Судот ослободи шест лица, од кои само едно е во затвор.
Ова е повторен процес против групата, откако во декмеври 2011 година судот нареди процесот повторно да се разгледа.
Одбраната побара обвинетите да се ослободат, подвлекувајќи дека многу од жртвите и околностите за нивната смрт и натаму остануваат нејасни.