Џихадисти од Исламска држава презедоа контрола врз 16 курдски села во северна Сирија што е нивни најголем успех во освојувањето територии кон градот Ајн ел Араб на границата со Турција, изјави денеска курдски командант.
Џихадистите употребиле тешко оружје меѓу кои и тенкови во нападите недалеку од градот Ајн ел Араб.
И опозициската Организација за заштита на човекови права соопшти дека борци на Исламска држава почнале вчера напладне со напади и дека презеле контрола врз голем број села.
Најмалку едно беспилотно летало е регистрирано над подрачје под контрола на Исламска држава во сириската провинција Алепо од која екстремистите евакуирале голем број свои бази.