Никола Тодоров дозволил 24.000 дијабетичари да останат без соодветната инсулинска терапија. Тодоров дозволил над 1.000 деца да останат без инсулинот што го користат. Тодоров на овие пациенти инсулинот им го заменува со постоечки залихи во земјава.
Со тоа го ризикува здравјето на луѓето, дисбаланс во организмот кај децата во развој и фатални последици кај возрасните граѓани, се вели во писмената реакција на СДСМ на реакцијата на Министерството за здравство за пресот на Чакаровски.
СДСМ бара Никола Тодоров и Никола Груевски веднаш да ги консултираат лекарите за последиците од нивниот аматеризам и веднаш да преземат чекори за обезбедување на соодветниот инсулин на дијабетичарите.