Репрезентацијата на Франција е првиот финалист во тенискиот Дејвис куп откако денеска со победата во двојки стигна до недостижна предност во полуфиналето против Чешка.
Француската двојка Жо Вилфред Цонга и Ришар Гаске постигна победа од 3:1 во сетови (6:7; 6:4: 7:6 и 6:1) против чешката комбинација Радек Штепанек и Томаш Бердих.
Франција по трите меча има водство од 3:0 против Чешка.
Во второто полуфинале што се игра во Женева неизвесноста околу финалистот е присутна откако Италија во двојки славеше триумф над Швајцарија.
Италијанските тенисери го намалија водството на противникот на 2:1 во победи. Симоне Болели и Фабио Фоњини со 3:2 во сетови (7:5; 3:6; 5:7; 6:3 и 6:2) ги победија Марко Кудинели и Стан Вавринка.
Финалето во Дејвис купот ќе се игра од 21 до 23 ноември.