Целта на рускиот претседател Владимир Путин е да ја уништи Украина како независна држава и да го обнови Советскиот сојуз, изјави денеска украинскиот премиер Арсениј Јацењук.
Говорејќи на конференција во Киев, на која присуствуваат европски и украински пратеници, Јацењук ги поздрави новите санкции кон Русија од ЕУ и САД, велејќи дека тие претставуваат опасност за руската економија.
– Ние се уште се наоѓаме во фаза на војна и клучниот агресор е Руската Федерација…Путин сака уште еден замрзнат судир на истокот на Украина, рече Јацењук.
– Негова цел е да ја земе цела Украина…Русија претставува закана за глобалниот поредок во безбедноста во цела Европа, смета украинскиот премиер.