Претседателот на Собранието на Република Македонија Трајко Вељаноски денеска присуствуваше на отворањето на Европската конференција на претседатели на парламенти во Осло, Норвешка.
Конференцијата ја отворија претседателот на норвешкиот Стортинг, Олемик Томесен и претседателот на Парламентарното собрание на Советот на Европа, Ан Брасер. Воведно обраќање имаа и генералниот секретар на Советот на Европа, Торбјорн Јагланд и министерот за прашања од ЕУ, Видар Хелегесен.
Вељаноски, како што соопшти неговиот кабинет, се обрати на првата сесија на тема “Основни уставни права и слободи – учество, доверба и јавна дебата како услови за демократија”.
Претседателот на македонското Собрание оствари и билатерални средби со свои колеги, претседатели на парламентите кои учествуваат на Европската конференција.
