Репрезентацијата на Литванија успеа да се пласира во четвртфиналето на Светското првенство во кошарка откако попладнево го победи Нов Зеланд со 76:71. Во следната рунда Литванија ќе игра со победникот од дуелот Турција – Австралија, кој се игра вечерва од 20 часот истотака во Барселона.
Литванија подобро го почна натпреварот и на крајот од првиот период имаше 14 поени предност (23:9) што беше и највисока разлика уште во неколку наврати во текот на натпреварот. Но, Нов Зеланд успеа да се врати и по серијата од 12:0 за првпат поведе во 59:58 во 33.минута. Сепак фаворитот Литванија во финишот го искористи искуството за да стигне до победата.
Во Мадрид во тек е осминафиналето меѓу Србија и Грција, а во 22 часот ќе играат Аргентина и Бразил.