Кошаркарите на САД и на Шпанија кои се најголеми фаворити за пласман во финалето на Светското првенство остварија сигурни победи во осминафиналните дуели. Синоќа домаќинот Шпанија во Мадрид ја победи селекцијата на Сенегал со 89:56, додека Американците во Барселона славеа над Мексико со 86:63.
Најнеизвесно беше на дуелот меѓу европскиот првак Франција и Хрватска, каде Французите победата (69:64) ја обезбедија во последната минута, додека Словенија оствари триумф над Доминиканска Република со 71:61.
Според резултатите досега познати се и две четвртфинални двојки: САД – Словенија и Шпанија – Франција.
Денеска се играат другите осминафинални натпревари: Нов Зеланд – Литванија (почеток 16 часот), Србија – Грција (18 часот), Турција – Австралија (20 часот) и Бразил – Аргентина (22 часот).