По денот пауза на Светско првенство во кошарка кое се одржува во Шпанија денеска стартува нокаут фазата.
На програмата се четири натпревари од осминафиналната рунда. Од 16 часот актуелниот светски шампион репрезентацијата на САД игра против најголемото изненадување на првенството Мексико. Овој натпревар се игра во Барселона, каде во терминот од 20 часот ќе започне средбата меѓу Доминиканската Република и Словенија.
Во Мадрид, првиот натпревар е закажан за 10 часот, а во него европскиот првак Франција за противник ја има Хрватска. Во последниот термин од 22 часот, домаќинот Шпанија е апсолутен фаворит во дуелот со репрезентацијата на Сенегал. Преостанатите четири осминафинални натпревар ќе се играат утре (недела), а двојките се: Нов Зеланд – Литванија (16 часот), Србија – Грција (18), Турција – Австралија (20) и Бразил – Аргентина (22).