Делегација на косовската влада денеска е во посета на Брисел каде што ќе се сретне со официјалните преставници на ЕУ за да разговараат за владеењето на правото, борбата против корупцијата и организираниот криминал во Косово.
Приштинската делегација, предводена од вицепремиерот и министер за правда, Хајредин Кучи ќе разговара со Еврокомесарот за проширување Штефан Филе и Еврокомесарот за внатрешни работи Сесилија Малмстром.
Иницијативата за средбата е на комесарот Филе, кој оцени дека состојбата на организираниот криминал и владеењето на правото во Косово му пречи на целиот регион, па со серија преговори со косовските преставници на власта ќе се обидат да најдат решение на проблемите.