Портпаролот на рускиот претседател Владимир Путин, Дмитриј Песков изјави денеска дека нема договор меѓу Москва и Киев за прекин на огнот во источна Украина.
– Путин и Порошенко не се договарале за прекин на огнот во источна Украина бидејќи Русија не е страна во украинскиот конфликт, посочи Песков.
Претходно, пресслужбата на украинскиот претседател соопшти дека претседателот на Украина Петро Порошенко постигна договор со претседателот на Русија Владимир Путин за „постојан прекин на огнот“ во југоисточна Украина во регионот Донбас.
– Претседателите меѓусебно се договорија за чекорите што ќе овозможат да настапи мир, се посочува во соопштението објавено по телефонски разговор меѓу Путин и Порошенко.
Претходно, портпаролот на Путин, Песков изјави дека двајцата лидери се договориле воглавно за тоа што треба да биде преземено за да се заврши украинската криза.
– Ставовите на Путин и Порошенко за можните начини за прекин на оваа тешка криза во значителна мерка се исти, додаде портпаролот на рускиот претседател.