Градоначалничката на францускиот град Кале, Наташа Бушар предупреди дека може да го затвори пристаништето, ако Велика Британија не преземе мерки против имигрантите, кои се обидуваат преку Ламанш од Франција да стигнат до Велика Британија.
Бушар наведе дека илегалните имигранти од цела Европа сакаат да отидат во Велика Британија поради добриот социјален систем.
Таа наведе дека илегалните имигранти им го отежнуваат животот на локалните жители. Бушар покани британаски претставници да го посетат Кале за да се убедат дека ситуацијата со илегалните имигранти во градот е многу тешка.
– Во градот во моментот има најмалку 1.300 илегални имигранти, посочи Бушар.
Ситуацијата во Кале беше една од темите на минатонеделната средба во Лондон на францускиот министер за внатрешни работи Бернар Казнов со британската колешка Тереза Меј.