Три лица загинаа, меѓу кои и осумгодишно дете, кога во предградие на Париз, после експлозија, се урна една четирикатна зграда, соопшти службата за вонредни ситуации.
Во инцидентот загинаа и две жени, а шест лица се сметаат за исчезнати.
Претставник на француската противпожарна служба во Париз рече дека 11 лица се повредени. Најверојатна причина за експлозијата е истекување на плин.
– Во тек е пребарување на урнатините и бараме евентуални други жртви, а поради несреќата е мобилизиран дополнителен медицински персонал, изјави тој пред новинарите.