Во Агенцијата за катастар на недвижности денеска ќе биде означено запишувањето во катастарот на недвижности на стоилјадитото решение за легализација на дивоградба и ќе биде доделен имотниот лист на подносителот на барањето.
Со тоа и официјално позитивно се решени речиси третина од поднесените барања за легализација на бесправно изградени објекти во Македонија.
Во земјава вкупно се поднесени околу 360 илјади барања за легализација на бесрпавно изградени објекти, а според општините проблем за завршување на постапката е некомплетната документација. За таа цел Владата го пролонгира првичниот рок за доставување на потребните документи до декември 2015 година.
Надлежните им порачуваат на граѓаните да не го чекаат последниот рок и навреме да ја достават потребната документација за да си ги легализираат бесправните објекти и со тоа да добијат имотен лист и да можат целосно да располагаат со својот имот.