Во Минск средба на претседателот на Русија и на Украина, Владимир Путин и Петро Порошенко. Средбата се одржува на маргините на средбата на лидерите на земјите од Царинската унија и претставници на Европската комисија.
Во исто време претседателот на Белорусија Александар Лукашенко, кој е домаќин на средбата, истакна дека сите лидери се согласиле дека е неопходна деескалација на конфликтот во Украина.
Тој наведе дека разговорите во Минск биле тешки, бидејќи ставовите на земјите за кризата понекогаш дури фундаментално се разликувале.
– Но, сите се согласија дека е неопходна деескалација и ослободување на заробените лица, посочи Лукашенко.