Претстојната средба во Минск меѓу претседателите на Русија и Украина, Владимир Путин и Петро Порошенко е добра можност за решавање на украинската криза, изјави високиот претставник на ЕУ за безбедност и надворешни работи Кетрин Ештон на Европскиот форум во австрискиот град Алпбах, пренесува ИТАР-ТАСС.
– Нема да зборувам многу за претстојната средба во Минск, но тоа е можност, што не треба да се испушти, истакна Ештон.
Според Ештон, Украина треба дополнително да одржува добри односи како со Русија, така и со земјите од ЕУ.
-Тоа е Ваша земја и вие носите одлуки. Вие го избравте својот претседател и патот по кој ќе одите напред. Имате потреба од добри односи со европските соседи и Русија, изјави Ештон.
Украинскиот Совет за национална безбедност и одбрана соопшти дека бројот на убиени украински војници во Источна Украина од страна на сепаратистите изнесува 722.