Генералниот секретар на Обединетите нации, Н Бан Ки-мун синоќа изрази загриженост поради информациите дека рускиот хуманитарен конвој пристигнал во Украина без дозвола од Киев, предупредувајќи дека тоа може да предизвика зголемување на тензиите.
– Генералниот секретар на ОН со длабока загриженост ги следи информациите дека рускиот хуманитарен конвој преминал преку границата со Украина без одобрение од украинските власти, изјави портпаролот на Бан, Стефан Дижарик.
Според портпаролот поради лошата хуманитарна ситуација, секоја еднострана акција може да предизвика ескалација на опасната ситуација во Источна Укриана.