Тепачките продолжуваат и во новиот состав на украинскиот парламент. Парламентарецот Олех Лјашко беше нокаутиран од неговиот колега Олександар Шевченко во остра кавга во холот на државната рада.
Лјашко, кој важи за остар противник на проруските сили го извлече подебелиот крај. Шевченко прво со полесни удари, а потоа и со силна шлаканица го нокаутира неговиот колега – пратеник и тоа пред медиумите и десетината други пратеници.
Кавгата ја почнал Шевченко кој му замерил на неговиот физички послаб колега дека никогаш не бил на истокот на Украина и не може да дава оценки за борбите на проруските сепаратисти. Лјашко како кандидат на претседателските избори дојде до третото место со националистичката кампања и сликите на социјалните мрежи како заробува припадник на сепаратистите.