Најмалку две лица загинаа, осум се повредени, а три се водат како исчезнати при земјотрес со јачина од 5,1 степени според Рихтеровата скала што го погоди еквадорскиот главен град Кито и неговата околина, соопштија локалните власти.
Земјотресот предизвикал лизгање на земјиштето, а спасувачките екипи се уште ги пребаруваат урнатините.
Еквадорските власти ги затворија сите патишта околу главниот град поради опасност од нови свлечишта.
Американскиот геолошки институт соопшти дека земјотресот е регистриран на само 7,7 километри длабочина, а епицентарот бил на околу 22 километри североисточно од главниот град Кито, кој има околу 1,6 милиони жители.