Со натпреварот против Белгија вечерва од 20 часот и 30 минути во СЦ „Борис Трајковски“ во Скопје, македонската кошаркарска репрезентација започнува нов квалификациски циклус за учество на Евробаскет 2015.
Од вкупно 26 репрезентации кои ќе играат во седумте квалификациски групи пласман на Европското првенство ќе обезбедат првопласираните од сите групи и шестте најдобро второпласирани.
Освен натпреварот Македонија – Белгија, денеска во групата Д уште играат Белорусија – Данска (почеток 17 часот).
Украина заради безбедносната состојба ја откажа организацијата на Европското првенство, па ФИБА Европа во текот на следниот месец по завршувањето на квалификациите ќе одреди нов домаќин на шампионатот.