Македонската тенисерка Лина Ѓорческа не успеа да се пласира во финалето во поединечна конкуренција на фјучерс турнирот во Арад откако во полуфиналето попладнево загуби од Романката Николета Даскалу со 2:1 во сетови.
Со ова прекината е низата на Ѓорческа, која претходните две години беше финалистка на овој турнир, а победи во 2012 година.
Првиот сет и припадна на Даскалу со 6:3 во гемови, а во следниот Ѓорческа успеа да изедначи откако го доби со 6:4. Во решавачкиот сет Романката беше поуспешна со 6:1 во гемови, но треба да се напомене дека вчера нашата тенисерка одигра три меча, меѓу кои несреќно загубеното финале во двојки кога се наоѓаше на два поена до победата.
Ѓорческа следната недела треба да настапува на турнир во Брчко.