Швајцарскиот тенисер Роџер Федерер се пласира во полуфиналето на „Роџерс купот“ во Торонто откако ноќеска со 2-1 во сетови (6:3, 4:6 и 6:3) го победи Шпанецот Давид Ферер.
Швајцарецот причина за славење имаше и пред натпреварот. Тој од организаторот доби торта за неговиот 33.ти роденден.
Следен противник на Федерер ќе му биде Фелисијано Лопез (Шпанија) кој во 1/4финалето беше подобар од домашниот тенисер Милош Раониќ со 2-1 во сетови.
Во второто полуфинале ќе играат Григор Димитров (Бугарија) и Жо-Влифред Цонга (Франција).