Македонската тенисерка Лина Ѓорческа успеа да се пласира во полуфиналето на фјучрсот во Арад, Романија. Таа ја оправда улогата фаворит во мечот од четвртфиналето со Романката Симона Јонеску и на противничката и препушти само три гема – 6:3 и 6:0 во сетови.
Утре во полуфиналето Ѓорческа ќе игра со Николета Даскалу од Романија (606.место на ВТА листа), која денеска во четвртфиналето ја победи Ирина Марија Бара со 6:1; 1:6 и 6:4 во сетови.
По овој меч во поединечна конкуренција Ѓорческа ќе треба да го доигра полуфиналето во двојки со Камелија Елена Христеа против Сандра Хонигова и Симона Јонеску. Ѓорческа и Христеа водат со 1:0 во сетови, а доколку победат попладнево ќе играат во финалето во двојки.