Стружани бараат дислокација на депонијата која се наоѓа во непосредбна близина на градот, поради непријатната миризба. Состојбата дополнително е влошена со неодамнешното палење на сметот и густиот чад кој се чуствува во Струга.
Директорот на Јавното претпријатие „Комунално“ Гарип Каба забележа дека депонијата е долгогодишен проблем за стружани и може негативно да влијае на здравјето на граѓаните и оти мора да се дислоцира.
– Имавме укажување за чадот кој се ширеше од депонијата и веднаш пристапивме со нашите и со противпожарни екипи со гасење. Денеска успеавме и чадот да го уништиме, Но тоа е моментално решение, мора да преземем нешто за депониајта да ја оддалечиме од тука, изјави Каба.
Претставниците на еколошките здруженија кои во повеќе наврати ги потстетувале надлежните дека станува збор за реален проблем бараат во најкраток рок да се изнајде трајно решение.
– Години наназад реагираме на разни начини, меѓутоа сите што се надлежни по ова прашање се изгледа или заспани или не сакаат да работаат, вели Мате Гогоски од еколошкото здружение „Енхалон“.
За поуспешно справување со комуналните, но и со градежните проблеми градоначалникот на Струга, Зијадин Села информира дека инспекциските служби работат во две смени.
– Тешко е да се промени менталитетот кај граѓаните и институциите. Се обидувам преку двосменска работа и дежурства да почнат да си ја работат работата што ја имаат инаку ќе бидат казнети сите. Не сакам одма да одам со санкции, сакам да давам можност, рече Села.
Градската депонија лоцирана во наслебата Плитишта во Струга повеќе пати била тема на седниците на Советот, кои треба најбз рок да изнајдат решение со кое ќе се надмине проблемот.