Томислав Јотовски на најновата ранг листа на АТП објавена денеска го бележи својот најдобар ранг во кариерата и се наоѓа на 628 место. Тоа значи дека за првпат е под границата од 700. место и има скок од 72 места. Во моментов Јотовски има 46 поени.
Другите македонски тенисери имаат пад, па така Димитар Грабул е на 586.место со 53 поени и пад од 23 позиции, но и натаму е најдобро пласиран Македонец.
Стефан Мицов се наоѓа на 1.220 место со 6 поени (пад 6 позиции), Шендрит Деари – 1.302 место со 5 поени (пад 3 позиции) и Бесир Дургути – 1.530 место со 3 поени (пад 6 позиции).
На врвот меѓу првите пет тенисери нема промена. Лидер е Новак Ѓоковиќ пред Рафаел Надал, Рожер Федерер, Стан Вавринка и Томаш Бердих.