Дирекцијата за заштита на личните податоци и Фондацијата за интернет и општество – Метаморфозис денеска потпишаа Меморандум за соработка, со кој ќе се утврдат заедничките активности поврзани со проектот „Час по приватност“, кој ќе се спроведе во средните училишта во Скопје.
– Подигањето на свеста за безбедно користење на интернетот, создавање општество и култура на почитување на приватноста, заштитата на личните податоци, се цели од заеднички интерес – изјавија директорите на Дирекцијата Димитар Ѓеорѓиевски и на Фондацијата Бардил Јашари.
Во следниот период се очекува спроведување на заеднички активности за подигање на нивото на свеста на повеќе целни групи во воспитно – образовниот процес: ученици, родители, наставници, за потребата на почитување на прописите за заштита на личните податоци, вклучувајќи и содржини за неповредливост на домот, тајност на комуникација, тајност на писма, говор на омраза, однесување на социјални мрежи и тн.