Тројца од петмината македонски тенисери кои имаат ранг направија скок на најновата АТП листа објавена денеска.
Димитар Грабул има напредок од 48 места и се наоѓа на 558.место откако му беа запишани 10-те поени од финалето во Кнок. Грабул сега има вкупно 58 поени.
Томислав Јотовски нема промена на рангот и остана на 709 место со 34 поени.
Шендрит Деари со новиот поен има вкупно 6 и се проби на 1.229 место (скок 60 места), додека со плус поен или вкупно 5 Стефан Мицов е на 1.273 место (со напредок од 76 позиции).
Единствен кој има мал пад (3 позиции) е Бесир Дургути на 1.552 место.
Во конкуренција на двојки Јотовски е 699-ти, а Деари е на 1.271-то место.
Од нашите тенисери оваа недела ќе играат Грабул на фјучрс во Белгија и Јотовски на фјучрс во Србија (Ваљево).
На врвот на АТП листата на првите пет места нема промени: Новак Ѓоковиќ, Рафаел Надал, Рожер Федерер, Стан Вавринка и Томаш Бердих.