ОБСЕ: Сепаратисиите прифатија меѓународна истрага за авионската несреќа во Украина

Од:

Трилатералната контакт група претставници на Украина, Русија и Организацијата за безбедност и соработка во Европа (ОБСЕ) се сретна вчера во Киев и одржа видео конференција со претставници на проруските сили во регионот на Доњецк, кои прифатиле да исполнат неколку услови во врска со истрагата за падот на авионот на „Малезија ерлајнс“.

На состанокот одржан по падот на малезискиот патнички авион во источниот дел на Украина, претставници на проруските сили во регонот на Доњецк прифатиле да го затворат местото на несреќата и дозволат на локалните власти да почнат подготовки за извлекување на телата, се наведува во соопштението на ОБСЕ.

Проруските сили, исто така, прифатиле и гарантирање безбеден пристап за националната истражна комисија, вклучително и меѓународните истражувачи, во областите под нивна контрола. Според договорот ќе биде обезбеден и сигурен пристап и безбедносни гаранции на набљудувачите на ОБСЕ, се наведува во соопштението.

Претседателот на ОБСЕ и министер за надворешни работи на Швајцарија Дидие Буркхалтер изрази длабоко сочувство на семејствата на жртвите во падот на авионот на „Малезија ерлајнс“ во Источна Украина.

Малезискиот патнички авион, на летот МН17 од Амстердам до Куала Лумпур, се урна синоќа во источниот дел на Украина. Никој од 298 патници и членови на екипажот не ја преживеа несреќата.

Би можело да ве интересира

Украина: Русија изврши комбиниран напад со дронови и ракети, двајца се повредени во Харков

Осуммина повредени во украинскиот напад на Белгород

Наришкин: Испраќање воени контингенти во Украина може да се сметаат за ескалација

ЕУ: Замрзнатите руски средства ќе се користат за воена помош за Украина

Украина: Четири деца се повредени во руски воздушен напад врз Харков

Украина ќе може да повикува затвореници во војска

Горан Наумовски