Македонскиот тенисер Томислав Јотовски се пласира во четвртфиналето на фјучрс турнирот во Белград, откако денеска на убедлив начин забележа победа во 2.коло против Марко Осмакчиќ од Швајцарија со 2-0 во сетови (6:2 и 6:0).
Јотовски имаше одличен ефект на искористени брејк топки 8/10, додека двата гема неговиот противник ги освои во првиот сет на сервис на Јотовски.
Противник на македонскиот тенисер во следното коло ќе биде победникот од мечот Ласло Џере (Србија, 1.носител) и квалификантот Риота Киши (Јапонија).