Руски авион собори авион Су-25 на украинското воено воздухопловство, кој учествувал во операција против сепаратистите во Источна Украина, изјави денеска портпаролот на Советот за национална безбедност и одбрана на Украина, Андриј Лисенко.
Тој истакна дека нападот се случил синоќа и оти украинскиот пилот успеал да се катапултира и преживеал.
Во меѓувреме, проруските сепаратисти изјавија дека вчера стрелале кон два владини авиони Су-25.
Украинските власти ја обвинуваат Русија дека нејзини војници се борат на страната на сепаратистите во источните региони. Москва демантира дека ги поддржува бунтовниците. Киев ја обвини Москва и за соборувањето на украинскиот воентранспортен авион Ан-26 во понеделникот во близина на руската граница. Четворица од екипажот на авионот беа спасени, двајца се заробени од сепаратистите, а двајца загинаа.