Шпионскиот скандал меѓу Германија и САД прерасна во невидена политичка криза, изјави поранешниот началник на Одделот за разунавање на Главната управа за надворешна безбедност на Франција, Ален Шуе.
– Тоа што се случува во моментов не е криза, која се појави меѓу разузнавачките служби на двете земји, бидејќи тие само ги исполнуваат наредбите на своите влади. Очигледно е дека имаме работа со појава на политичка криза без преседан во односите меѓу двете земји, изјави Шуе во интервју за францускиот весник „Фигаро“.
– Ниту ЦИА, Нниту НСА не презеле шпионска активност кон Германија на сопствена иницијатива, тие исполнувале наредби дадени од органи на американската извршна власт, додаде тој.
– Германија е земја лидер на Европската унија, пред се поради својата индустриска и економска моќ. Таа игра голема улога во донесување одлуки во органите на Европската унија. Токму поради тоа откривањето на нејзините намери и откривањето на нејзините цели е важна задача за разузнавачките служби на неевропските држави, кои ЕУ ја сметаат за конкурент, нагласи Шуе.
На прашањето дали е можно разузнавачките служби на одделни земји меѓусебно да постигнат спогодба за етиката на работењето, тој даде негативен одговор