Украинскиот министер за надворешни работи Павло Климкин истакна дека Јужен поток е политички проект кој нема ништо да смени за Европа.
– Има проекти кои имаат политички карактер. Ако проектот Јужен поток биде реализиран тоа за Европа нема ништо да промени, посочи Климкин, додавајќи дека претставници на земјите кои се против изградбата на гасоводот неодамна биле во Киев.
Тој истакна дека некои земји се подготвени да вложат средства во модернизацијата на украинскиот гасоводен систем.
Климкин посочи оти Украина е подготвена да обезбеди транзит на гас преку својата територија, а за тоа ќе придонесе реформата на „Нафтогаз“.
– Сегашната ситуација со доставата на гас е тест за Европа од гледна точка на улогата, што ќе ја има Европската унија во светот, истакна Климкин.