Се реши долгогодишниот проблем со водоснабдувањето на општина Куманово откако денеска во Министерството за земјоделство, шумарство и водостопанство (МЗШВ) директорите на ЈП Водовод Куманово и на водостопанство Кумановско-липковско поле, Горан Стојковски и Филип Филиповски, договорија цената на метар кубен вода со вклучен ДДВ да биде 4,8 денари.
Како што соопшти МЗШВ, цената е прифатлива за двете страни, а се постигна со посредство на ресорниот министер Михаил Цветков.
– Водостопанство Кумановско-липковско поле презема обврска за непречена дистрибуција на вода преку алтернативни цефководи, а ЈП Водовод Куманово за редовно плаќање на фактурите согласно договорената цена и сервисирање на старите долгови кон водостопанството Кумановско-
липковско поле, информира Министерството за земјоделство.
Договорено е и, со помош на програмите на МЗШВ, да се извршат зафати на хидросистемот Кумановско-липковско поле за санација и ревитализација.
На средбата присуствуваа и државниот секретар Бесир Јашари, градоначалникот на Куманово Зоран Дамјановски, како и пратениците во Собранието на Република Македонија од Куманово Зоран Ѓорѓиевски и Реџаил Исмаили.